Пяць тысяч жанчын прымуць удзел у "Прыгожым забегу" на 8 марта

© Sputnik / Виктор ТолочкоПяць тысяч жанчын прымуць удзел у "Прыгожым забегу" на 8 марта
Пяць тысяч жанчын прымуць удзел у Прыгожым забегу на 8 марта - Sputnik Беларусь
Падпісацца
Чакаецца, што колькасць удзельніц сёлета паб'е ўсе рэкорды, для параўнання, у 2018 годзе ў "Прыгожым забегу" ўдзельнічалі больш за 3,5 тысячы прадстаўніц прыгожага полу.

МІНСК, 6 сак - Sputnik. Традыцыйны "Прыгожы забег" пройдзе ў цэнтры Мінска ў Міжнародны жаночы дзень, пра гэта паведамілі ў прэс-службе Беларускай федэрацыі лёгкай атлетыкі.

Тюльпаны на Комаровском рынке - Sputnik Беларусь
Як павіншаваць з 8 Сакавіка па-беларуску: вершы і пажаданні для жанчын

Забег Beauty Run праводзіцца ў сталіцы чацвёрты год запар. Як і ў мінулыя гады, спаборніцтвы пачнуцца 8 сакавіка ў 12:00. Прыгажуні могуць прабегчы на ​​выбар дыстанцыю 2 ці 5 кіламетраў. Стартаваць, бегчы і фінішаваць дзяўчаты будуць на праспекце Незалежнасці.

Арганізатары сёлета вырашылі павялічыць колькасць удзельніц "Прыгожага забегу". Калі ў 2018 годзе па цэнтральным праспекце Мінска збегла больш за 3,5 тысячы чалавек, то ў гэтым годзе ўдзел возьмуць каля 5 тысяч прыгажунь.

Кожная прадстаўніца прыгожага полу, якая перасячэ фінішную стужку, атрымае ў якасці прыза медаль і кветку. Для дзяўчат, якія ўвайшлі ў тройку пераможцаў, падрыхтавалі грашовыя прызы.

Таксама ў гэтым годзе прадугледжаны прызы для спартсменак у арыгінальных касцюмах. Сярод намінацый - нарад "Кветкавы" (які сімвалізуе якую-небудзь кветку), "Экстравагантны" (створаны з незвычайных матэрыялаў) і "Нацыянальны" (арыгінальны нацыянальны касцюм або стылізаваны пад яго).

Стужка навiн
0