09:12 21 сакавіка 2019
«Радыё Sputnik»
  • USD2.11
  • EUR2.39
  • 100 RUB3.28
Беларуская тэнісістка Вікторыя Азаранка

Азаранка пацярпела паражэнне ад Серэны Уільямс на турніры ў Індыян-Уэлсе

© AP / Jason DeCrow
Спорт
Атрымаць кароткую спасылку
1710

Паядынак двух экс-першых ракетак свету атрымаўся вельмі напружаным. Серэна Уільямс і Вікторыя Азаранка сустрэліся на корце ўпершыню за тры гады.

МІНСК, 9 сак - Sputnik. Беларуска Вікторыя Азаранка завяршыла выступленне ў адзіночным разрадзе на тэнісным турніры ў Індыян-Уэлсе (ЗША), прызавы фонд якога - 9,03 млн долараў. Яна выбыла з барацьбы на стадыі 1/32 фіналу, дзе змагалася з амерыканкай Серэнай Уільямс.

Паядынак двух экс-першых ракетак свету атрымаўся вельмі напружаным. Серэна Уільямс і Вікторыя Азаранка сустрэліся на корце ўпершыню за тры гады. Іх барацьба на цяперашніх спаборніцтвах працягвалася дзве гадзіны і сем хвілін, амерыканка была мацней - 7: 5, 6: 3.

Статыстыка асабістых сустрэч Азаранкі і Уільямс таксама на карысць прадстаўніцы ЗША (паводле дадзеных tennis.com, у яе ўжо 19 перамог над беларускай, наша тэнісістка абыгрывала амерыканку чатыры разы).

Азаранка таксама завяршыла выступленне і ў парным разрадзе на турніры ў Індыян-Уэлсе. Яна і украінка Эліна Світоліна не змаглі прабіцца ў 1/8 фіналу гэтых спаборніцтваў, саступіўшы дуэту Алісія Расольска (Польшча)/Чжаосюань Ян (Кітай) - 5:7, 6:4, 8:10.

Вікторыя Азаранка двойчы выйгравала турнір у Індыян-Уэлсе: у 2012-м і 2016-м гадах.

Тэги:
ЗША, Тэніс, Вікторыя Азаранка

Галоўныя тэмы