03:56 21 мая 2019
«Радыё Sputnik»
  • USD2.08
  • EUR2.32
  • 100 RUB3.23
Азаранка пасля паўфіналу Fed Cup адправіцца на турнір у Штутгарт

Азаранка пасля паўфіналу Fed Cup адправіцца на турнір у Штутгарт

© REUTERS / DANIEL BECERRIL
Спорт
Атрымаць кароткую спасылку
19 0 0

У Германіі ў Азаранкі будзе магчымасць узяць рэванш у Гарбін Мугурусы за паражэнне ў фінале турніру ў Мантэрэі.

МІНСК, 21 кра - Sputnik. Экс-першая ракетка свету беларуска Вікторыя Азаранка прыме ўдзел у турніры WTA ў нямецкім Штутгарце, паведамляе Sputnik.

Зараз Азаранка разам са зборнай Беларусі змагаецца за выхад у фінал Кубка Федэрацыі супраць аўстралійскіх тэнісістак у Брысбене. Нагадаем, Арына Сабаленка ў першай сустрэчы была мацней за Саманту Стосур, а Азаранка саступіла Эшлі Барці.

Сёння, 21 красавіка, Азаранка пазмагаецца супраць Стосур, а Сабаленка выйдзе супраць Барці. У парным паядынку ад Беларусі заяўлены Вера Лапко і Лідзія Мароз, ад Аўстраліі - Барці і Стосур.

Адразу пасля паўфіналу Fed Cup Азаранка паляціць у Штутгарт, дзе ёй трэба будзе згуляць у першым крузе турніру супраць іспанкі Гарбін Мугурусы. Матчы асноўнай сеткі спаборніцтваў стартуюць 22 красавіка.

Нагадаем, не так даўно Азаранка і Мугуруса гулялі адна супраць адной - у фінале турніру ў Мантэрэі. Тады беларуска не змагла дагуляць паядынак да канца, і перамога дасталася суперніцы.

Тэги:
Тэніс, Вікторыя Азаранка

Галоўныя тэмы