Азаранка і Барці не змаглі выйсці ў чвэрцьфінал на "Ралан Гарос"

© REUTERS / BENOIT TESSIERВікторыя Азаранка
Вікторыя Азаранка - Sputnik Беларусь
Падпісацца
На турніры працягвае выступаць толькі адна беларуска - у жаночым парным разрадзе яшчэ гуляе Арына Сабаленка.

МІНСК, 4 чэр - Sputnik. Беларуская тэнісістка Вікторыя Азаранка пакідае Адкрыты чэмпіянат Францыі па тэнісе (Roland Garros): у парным жаночым разрадзе яна разам з аўстралійкай Эшлі Барці не змагла прабіцца ў чвэрцьфінал.

Матч за выхад у 1/4 фіналу спаборніцтваў адбыўся ў панядзелак 3 чэрвеня: беларуска-аўстралійскі дуэт сустракаўся з аўстралійкай Самантай Стосур і кітаянкай Чжан Шуай.

Пачатак гульні для Азаранка і Барці быў удалым: першы сэт яны завяршылі з лікам 6:4, аднак затым прайгралі другі і трэці - 6:3, 6:2.

Такім чынам, беларуска пакідае турнір у Францыі: раней яна ў другім туры не здолела прайсці першую ракетку свету Наомі Осаку (6:4, 5:7, 3:6).

Працягвае выступ у жаночым парным разрадзе на "Ралан Гарос" Арына Сабаленка: яна ў панядзелак у пары з бельгійскай тэнісісткай Элізы Мартэнс выйшла ў чвэрцьфінал, абыграўшы амерыканскі дуэт Дэзірэ Краўчык - Джэсіка Пегула (7:5, 6:2).

Стужка навiн
0