22:25 19 ліпеня 2019
«Радыё Sputnik»
  • USD2.03
  • EUR2.28
  • 100 RUB3.22
Беларускі велагоншчык Васіль Кірыенка

Беларус Кірыенка выйграў індывідуальную велагонку на Еўрапейскіх гульнях

© Photo: пресс-центр НОК Беларуси
Спорт
Атрымаць кароткую спасылку
Еўрапейскія гульні - 2019 (187)
710

Велагоншчык прайшоў дыстанцыю ў 28,6 кіламетра за 33 хвіліны 3,34 секунды і пацвердзіў свой тытул чэмпіёна I Еўрапейскіх гульняў у Баку ў індывідуальнай гонцы.

МІНСК, 25 чэр - Sputnik. Беларускі веласіпедыст Васіль Кірыенка заваяваў золата II Еўрапейскіх гульняў у індывідуальнай гонцы з раздзельным стартам, паведамляе Sputnik.

Кірыенка, якому днямі споўніцца 38 гадоў, пераадолеў дыстанцыю ў 28,6 кіламетра за 33 хвіліны 3,34 секунды, апярэдзіўшы асноўных сапернікаў, і пацвердзіў свой тытул чэмпіёна I Еўрапейскіх гульняў 2015 года ў Баку.

Другім стаў адзін з фаварытаў гонкі Нелсан Алівейра, яго час - 33 хвіліны 31,82 секунды. Бронзавы медаль Еўрапейскіх гульняў у індывідуальнай гонцы заваяваў прадстаўнік Чэхіі Ян Барта з вынікам 33 хвіліны 40,47 секунды.

Яшчэ адзін беларускі веласіпедыст, які ўдзельнічаў у гонцы, Браніслаў Самойлаў заняў 15-е месца. Ён праехаў дыстанцыю за 35 хвілін 22,84 секунды і саступіў Васілю Кірыенку больш за дзве хвіліны.

Васіль Кірыенка нарадзіўся 28 чэрвеня 1981 года ў горадзе Рэчыца Гомельскай вобласці. Яго першым трэнерам быў Пётр Іванавіч Хрытонаў. У цяперашні час Кірыенка выступае за каманду TEAM SKY.

Сярод спаборніцтваў, якія выйграў спартсмен, - чэмпіянат свету па велагонках на трэку (Манчэстар, 2008), чэмпіянат I Еўрапейскіх гульняў у шашэйнай велагонцы з раздзельным стартам (Баку, 2015), а таксама чэмпіянат свету ў гонцы з раздзельным стартам (Рычманд, 2015).

Кірыенка - заслужаны майстар спорту Беларусі. Некаторыя заходнія журналісты, каментуючы манеру язды беларускага велагоншчыка Васіля Кірыенкі, называюць яго "Рабакоп".

Sputnik вядзе тэкставую анлайн-трансляцыю чарговага спаборніцкага дня II Еўрапейскіх гульняў.

Тэмы:
Еўрапейскія гульні - 2019 (187)
Тэги:
Мінск, Беларусь, Еўрапейскія гульні-2019

Галоўныя тэмы