01:24 17 ліпеня 2019
«Радыё Sputnik»
  • USD2.03
  • EUR2.28
  • 100 RUB3.23
Беларуская тэнісістка Вікторыя Азаранка

Азаранка і Барці зняліся з Уімблдонскага турніру

© REUTERS / TOBY MELVILLE
Спорт
Атрымаць кароткую спасылку
610

У аўторак тэнісісткі павінны былі згуляць у 1/8 фіналу парнага разраду супраць амерыканскага дуэта Бетані Матэк-Сандс і Даніэль Колінз.

МІНСК, 9 ліп - Sputnik. Беларуска Вікторыя Азаранка і аўстралійка Эшлі Барці завяршылі свой выступ на Уімблдонскім турніры ў парным разрадзе, пра гэта паведамляе інтэрнэт-рэсурс Tennis.com.au.

Беларуска-аўстралійскі тандэм 7 ліпеня абыграў пару Тамара Зіданшэк са Славеніі і Рэбека Петэрсан са Швецыі і выйшаў у 1/8 фіналу Уімблдона. У аўторак, 9 ліпеня, Азаранка і Барці павінны былі сустрэцца на корце з амерыканкамі Бетані Матэк-Сандс і Даніэль Колінз, аднак напярэдадні ўвечары стала вядома, што беларускі і аўстралійская тэнісісткі зняліся з турніру.

Рашэнне завяршыць выступ на Уімблдоне прыняла Эшлі Барці пасля свайго пройгрышу амерыканцы Элісан Рыск у 1/8 фіналу адзіночнага разраду. Па словах аўстралійкі, прычынай адмовы ад далейшых выступаў стала траўма рукі, якая абвастрылася з-за моцнай нагрузкі.

"Я хачу гуляць у пары, калі здаровая. Але часам трэба прыслухоўвацца да свайго арганізму і адмаўляцца ад пары, каб атрымаць лепшыя шанцы ў адзіночным разрадзе. Аднак я шмат чаму вучуся, выступаючы ў пары. Для мяне абодва гэтыя разрады ідуць рука аб руку і дапамагаюць адзін аднаму. Мне вельмі спадабалася гуляць з Вікай у гэтым годзе", - заявіла Барці.

У парным разрадзе Уімблдонскага турніру працягне выступаць беларуска Арына Сабаленка ў пары з тэнісісткай з Бельгіі Элізэ Мёртэнс. У 1/8 фіналу іх саперніцамі стануць кітаянкі з Тайбэя Чань Хао-Чын і Лаціша Чан.

Тэги:
Вікторыя Азаранка

Галоўныя тэмы