07:16 24 ліпеня 2019
«Радыё Sputnik»
  • USD2.02
  • EUR2.26
  • 100 RUB3.20
Матч паміж БАТЭ і Пястам

Ліга чэмпіёнаў: у БАТЭ не атрымалася дома абыграць польскі "Пяст"

© Sputnik / Виктор Толочко
Спорт
Атрымаць кароткую спасылку
410

Сустрэча прайшла ў сераду ў Барысаве і завяршылася з лікам 1:1, матч у адказ пройдзе ў Глівіцэ.

МІНСК, 11 ліп - Sputnik. Футбалісты беларускага клуба БАТЭ згулялі на сваім полі ўнічыю з польскім "Пястам" у першым матчы першага кваліфікацыйнага раўнду Лігі чэмпіёнаў УЕФА.

Сустрэча прайшла ў сераду на "Барысаў-арэне" і завяршылася з лікам 1:1. Паглядзець гульню сабралася амаль 12 тысяч гледачоў.

Лік на 36-й хвіліне адкрылі госці - мяч запісаў на свой рахунак Пётр Пажышак. У сярэдзіне другога тайма жоўтую картку атрымаў паўабаронца польскай каманды Патрык Дзічак.

Нічыю прынёс гол экс-футбаліста маскоўскага "Дынама" Станіслава Драгуна, забіты на 64-й хвіліне. Акрамя таго, ён таксама атрымаў жоўтую картку, а на 90-й хвіліне - чырвоную, і быў вымушаны пакінуць поле.

Судзейства матчу выклікала здзіўленне многіх заўзятараў, аднак трэнер БАТЭ Аляксей Бага адмовіўся ад каментароў з гэтай нагоды.

"Трохі застаўся асадак ад выніку, не зусім тое, што мы планавалі", - сказаў ён пасля завяршэння матчу.

Sputnik вёў тэкставую анлайн-трансляцыю сустрэчы.

Цяперашні еўракубкавы сезон стаў першым для БАТЭ без старшыні праўлення клуба Анатоля Капскага, які памёр у верасні мінулага года. Са студзеня клуб ўзначаліў яго сын, Андрэй Капскі.

Матч у адказ пройдзе 17 ліпеня ў польскай Глівіцэ. Удзелу ў сустрэчы, хутчэй за ўсё, не прыме цэнтральны абаронца БАТЭ Ягор Філіпенка, які атрымаў траўму падчас матчу, а таксама Станіслаў Драгун, які атрымаў чырвоную картку.

Тэги:
ФК "БАТЭ"

Галоўныя тэмы