Беларускае тэніснае дэрбі: Сабаленка згуляла з Азаранка на US Open

© AFP 2024 / PATRICK HAMILTONБеларускія тэнісісткі Вікторыя Азаранка і Арына Сабаленка
Беларускія тэнісісткі Вікторыя Азаранка і Арына Сабаленка - Sputnik Беларусь
Падпісацца
На старце апошняга ў сезоне турніру "Вялікага шлема" Сабаленка абыграла суайчынніцу, наступнай яе саперніцай стане прадстаўніца Казахстана.

МІНСК, 28 жні - Sputnik. Дзве беларускія спартсменкі сустрэліся ў першым раўндзе Адкрытага чэмпіянату ЗША, паведамляе Sputnik.

Тэнісіст Ілля Івашка - Sputnik Беларусь
US Open 2019: беларусы Івашка і Герасімаў прабіліся ў асноўную сетку

У выніку першая ракетка Беларусі Арына Сабаленка (13 WTA) атрымала перамогу над Вікторыяй Азаранка (41 WTA). Матч прайшоў на нью-ёркскіх кортах "Флашынг Медоус" і завяршыўся з лікам 3:6, 6:3, 6:4 на карысць Сабаленка. Сустрэча працягвалася 2 гадзіны 13 хвілін.

На свой рахунак Сабаленка запісала 8 эйсаў, 42 вінеры, 13 двайныя і 43 нявымушаныя памылкі, рэалізаваўшы 4 брэйк-пойнты з 9.

Азаранка падала навылёт 3 разы, чыста выйграла 17 мячоў, здзейсніла 4 падвойныя і 26 нявымушаных памылак, з 12 брэйк-пойнтаў рэалізавала 4.

Беларускія тэнісісткі на турніры пад эгідай WTA згулялі адна супраць адной упершыню.

У другім раўндзе Сабаленка сустрэнецца з прадстаўніцай Казахстана Юліяй Пуцінцавай (39 WTA).

Раней у другі круг спаборніцтваў прайшла беларуска Аляксандра Сасновіч (46 WTA) - яна перамагла амерыканку Джэніфер Брэдзі (67 WTA).

Чэмпіянат US Open завершыцца 8 верасня, агульны прызавы фонд складае 57,2 мільёна долараў ЗША.

Стужка навiн
0