Чэферын не сумняваецца ў здольнасцях Беларусі правесці Суперкубак УЕФА

© Sputnik / Виктор ТолочкоАлександэр Чэферын на прэс-канферэнцыі ў Мінску
Александэр Чэферын на прэс-канферэнцыі ў Мінску - Sputnik Беларусь
Падпісацца
Прэзідэнт УЕФА упэўнены, што наша краіна можа правесці мерапрыемствы любога ўзроўню, але не канкрэтызаваў, якія менавіта футбольныя спаборніцтвы Мінск можа прыняць у будучыні.

МІНСК, 19 вер - Sputnik. Беларусь здольная на высокім узроўні правесці матч за Суперкубак УЕФА, але гэта права павінен атрымаць наймацнейшы, заявіў прэзідэнт УЕФА Александэр Чэферын.

Факел на стадыёне Дынама - Sputnik Беларусь
Лукашэнка хоча правесці ў Мінску Суперкубак УЕФА

Сёння прэзідэнт Беларусі Аляксандр Лукашэнка на сустрэчы з Чэферыным заявіў, што Минск гатовы прыняць матч за Суперкубак УЕФА.

"Я ўпэўнены, што вы цалкам здольныя правесці такія маштабныя мерапрыемствы. Працэс выбару такіх матчаў павінен быць празрыстым і выразным. Я ўпэўнены, што вы можаце арганізаваць мерапрыемства любога ўзроўню. Але атрымаць гэта права павінен наймацнейшы", - заявіў Чэферын на прэс-канферэнцыі ў доме футбола.

Ён не стаў канкрэтызаваць, якія менавіта футбольныя спаборніцтвы можа прыняць Мінск у будучыні. Аднак кіраўнік УЕФА ў чарговы раз падкрэсліў, што Беларусі па сілах правесці буйныя матчы.

Раней Беларусь падавала заяўкі на правядзенне матчаў чэмпіянату Еўропы 2020 года, Суперкубка УЕФА 2020 і 2021 гадоў. Плануецца, што рэспубліка падасць заяўку на правядзенне Суперкубка УЕФА 2022 года.

Стужка навiн
0