16:23 08 снежня 2019
«Радыё Sputnik»
  • USD2.12
  • EUR2.35
  • 100 RUB3.32
Капотнік адпраўляецца на Дакар-2020

Капотны МАЗ нарэшце адпраўляецца на "Дакар"

© Photo : "МАЗ-СПОРТавто" / ALIAKSEI MATSIUSHKOU
Спорт
Атрымаць кароткую спасылку
810

Пілатаваць "капотнік" будзе лідар каманды Сяргей Вязовіч, каманда плануе змагацца за першыя месцы ў заліку грузавікоў.

МІНСК, 27 ліс - Sputnik. Беларуская каманда "МАЗ-СПОРТаўта" адправіла свае каміёны ў Саудаўскую Аравію, дзе 5 студзеня наступнага года стартуе ралі-рэйд "Дакар", паведаміла прэс-служба Мінскага аўтазавода.

Як і раней, каманда выставіць на гонку тры экіпажы, аднак без змен і на гэты раз не абышлося. Галоўнае - на "Дакар" адправіўся дапрацаваны пасля "Шаўковага шляху" каміён капотнай кампаноўкі, яго будзе пілатаваць Сяргей Вязовіч са штурманам Паўлам Гараніным і механікам Антонам Запарошчанкам.

Два іншыя МАЗы таксама ўдасканалілі, на адным з іх усталявалі аўтаматычную КПП, і гэты грузавік дастаўся Аляксею Вішнеўскаму, кампанію якому складуць штурман Максім Новікаў і механік Андрэй Невяровіч. Другі грузавік павядзе Аляксандр Васілеўскі са штурманам Дзмітрыем Віхренкам і механікам Віталём Мурылёвым.

На фоне перамогі Вязовіча на ралі ў Марока і выдатнага тэмпу на мінулым "Шаўковым шляху" каманда ставіць на будучы "Дакар" амбіцыйныя задачы - барацьбу за першыя месцы ў заліку грузавікоў. Канкурэнтаў у беларусаў будзе шмат - толькі расіяне з "КАМАЗ-МАЙСТАР" выставілі на гонку чатыры экіпажы. Аднак адзін прызнаны лідар усё ж будзе адсутнічаць - з-за праблем з хрыбетнікам гонку прапусціць Жэрар дэ Рой.

Ралі-рэйд "Дакар" упершыню пройдзе ў Саудаўскай Аравіі, з 5 па 17 студзеня гоншчыкам трэба будзе пераадолець 12 этапаў агульнай працягласцю ў 7800 кіламетраў, з іх 5 тысяч прыйдзецца на спецучасткі.

Тэги:
Беларусь, "МАЗ-СПОРТаўта", "Дакар"

Галоўныя тэмы