МІНСК, 9 сне - Sputnik. Беларуская спартсменка Анастасія Шкурдай выйграла золата чэмпіянату Еўропы па плаванні на кароткай вадзе, які праходзіць у Глазга.
16-гадовая плыўчыха фінішавала першай у фінальным заплыве на дыстанцыі 100 метраў батэрфляем, усталяваўшы пры гэтым новы рэкорд сярод юніёраў - 56,21 секунды.
Другое месца заняла італьянская спартсменка Алена Дзі Ліда з вынікам 56,37 секунды, на трэцім грачанка Ганна Нтунтунакі - 56,44.
Гэта другі медаль у скарбонцы беларускай зборнай на гэтым чэмпіянаце: раней срэбра ўзяў Ілля Шымановіч на 100 м брасам.
