МАК: Алімпіяда адбудзецца ў 2021-м годзе ці не адбудзецца наогул

© AFP 2024 / SEBASTIEN BOZONАлімпійскія кольцы, ахіўнае фота
Алімпійскія кольцы, ахіўнае фота - Sputnik Беларусь
Падпісацца
Раней у аргкамітэце "Токіа-2020" заявілі, што канчатковае рашэнне па Гульнях будзе прынята да вясны.

МІНСК, 7 чэр - Sputnik. Летнія Алімпійскія гульні адбудзецца ў 2021 годзе ці не адбудуцца зусім, заявіў член Міжнароднага алімпійскага камітэта (МАК), кіраўнік каардынацыйнай камісіі Алімпіяды-2024 напярэдадні ў Парыжы П'ер-Аліўе Бекерс.

Прэзідэнт Міжнароднага алімпійскага камітэта Томас Бах - Sputnik Беларусь
Алімпіяду ў Токіа прыйдзецца адмяніць, калі яна не адбудзецца летам 2021-га - Бах

Напярэдадні намеснік старшыні арганізацыйнага камітэта гульняў Тосіакі Энда распавёў, што рашэнне аб правядзенні Гульняў будзе прынята да вясны. Гэта, паводле яго слоў, будзе залежаць ад сітуацыі з каронавірусам, з-за якога АГ і былі перанесены на наступны год.

"Сёння ўсе перакананыя, што Гульні пачнуцца 23 ліпеня 2021 года. Паколькі мы ўпэўненыя, што ці яны пройдуць ў 2021 годзе, ці не адбудуцца наогул", - прыводзіць словы Бекерса АФП.

Паводле яго слоў, немагчыма "трымаць такі праект, з каласальнымі выдаткамі і мабілізацыяй тысяч людзей, на адлегласці выцягнутай рукі".

"Акрамя таго, важна вярнуцца да нармальнага спартыўнага календара, каб знайсці ў ім месца буйным турнірам. Усе спартыўныя федэрацыі павінны адаптавацца да пераносу Гульняў. Мы не можам уявіць, што такія глабальныя змены адбудуцца ў другі раз", - дадаў Бекерс.

Нагадаем, з-за пандэміі каронавіруса летнія Гульні-2020 у Токіа былі перанесены на 2021-ы. Алімпіяда павінна прайсці з 23 ліпеня па 8 жніўня 2021 года.

Стужка навiн
0