МІНСК, 11 вер - Sputnik. Беларуская тэнісістка Вікторыя Азаранка абыграла Серэну Уільямс і стала фіналісткай турніру US Open, паведамляе Sputnik.
Вікторыя Азаранка, якая займае 27-ы радок сусветнага рэйтынгу, працягнула паспяхова выступаць на Адкрытым чэмпіянаце ЗША па тэнісе. Яе саперніцай у паўфінале стала тытулаваная амерыканка, нумар 8 сусветнага рэйтынгу WTA Серэна Уільямс.
Матч не быў лёгкім для беларускі. Яна правяла на корце са сваёй саперніцай тры сэты, у першым з якіх не змагла захапіць лідэрства. Пры гэтым другі і трэці сэт засталіся за Азаранкай. У выніку яна атрымала валявую перамогу над Уільямс з агульным лікам 6:1, 3:6, 3:6. Матч доўжыўся 1 гадзіну 53 хвіліны.
Дарэчы, Серэна Уільямс шэсць разоў станавілася пераможцай US Open. Гэтая сустрэча на турніры была для беларускі і амерыканкі 23-й па ліку ў іх кар'ерах. Дагэтуль у вочных супрацьстаяннях спартсменак лідзіравала Уільямс з лікам 18:4.
У фінале турніру Вікторыя Азаранка згуляе з японскай тэнісісткай Наомі Осака, якая займае 9-ы радок сусветнага рэйтынгу.
