08:20 19 чэрвеня 2021
«Радыё Sputnik»
  • USD2.52
  • EUR3.00
  • 100 RUB3.49
Спорт
Атрымаць кароткую спасылку
Расійскія вакцыны ад каронавіруса (116)
35 0 0

Алег Матыцын назваў такі крок важным на шляху да бяспечнага правядзення летніх Алімпійскіх гульняў.

МІНСК, 17 лют – Sputnik. Міністр спорту Расіі Алег Матыцын прапанаваў спартсменам з краін СНД прышчапіцца расійскай вакцынай ад каронавіруса, паведамляе сайт спартыўнага ведамства РФ.

Прапанова прагучала на сустрэчы з надзвычайнымі і паўнамоцнымі пасламі дзяржаў-удзельніц Садружнасці Незалежных Дзяржаў у Расійскай Федэрацыі.

На думку міністра, вакцынацыя спартсменаў з СНД асабліва важная перад Алімпійскімі гульнямі ў Токіо.

"Усе мы - частка адной вялікай спартыўнай сям'і, у якой прынята дапамагаць адзін аднаму. Таму мы гатовы ў прыярытэтным парадку разгледзець магчымасць вакцынацыі спартсменаў нацыянальных зборных каманд дзяржаў-удзельніц СНД расійскай вакцынай. Гэта важны крок на шляху да бяспечнага правядзення Алімпіяды ў Токіо", - сказаў Матыцын.

Ён таксама нагадаў, што з самага пачатку пандэміі Расія аказвае істотную дапамогу краінам СНД у барацьбе з COVID-19. Бязвыплатна перададзеныя тэст-сістэмы і рэагенты для правядзення каля паўтара мільёна даследаванняў, а таксама комплексы для бескантактавага вымярэння тэмпературы. У многія дзяржавы СНД накіроўваліся расійскія місіі ўрачоў і эпідэміёлагаў.

У сустрэчы прынялі ўдзел намеснік міністра замежных спраў РФ Аляксандр Панкін, намеснік старшыні выканаўчага камітэта СНД Дзяніс Трафілаў, кіраўнікі дыпламатычных місій Азербайджана, Арменіі, Беларусі, Казахстана, Кыргызстана, Малдовы, Таджыкістана, Туркменістана і Узбекістана.

Вакцына для спартсменаў: Беларусь гатова абмяркоўваць

На думку дырэктара Рэспубліканскага навукова-практычнага цэнтра (РНПЦ) спорту Беларусі Ірыны Маляванай, прапанова расійскага боку з'яўляецца цікавай для беларускага боку.

"З расійскімі калегамі ў нас даўно ўжо наладжана не проста цеснае супрацоўніцтва, але і ўстаноўлены самыя добрыя адносіны. Прапанова пра вакцынацыю спартсменаў цікавая, мы гатовы яе разглядаць. Разам з тым адзначу, што ў нас ужо наладжана сістэмная работа па медыцынскім суправаджэнні кандыдатаў на ўдзел у Алімпійскіх гульнях. У тым ліку падрыхтаваны і ўзгоднены з Міністэрствам аховы здароўя мерапрыемствы па добраахвотнай вакцынацыі членаў спартыўнай дэлегацыі, якая адправіцца ў Токіо", - адзначыла Ірына Маляваная.

Паводле яе слоў, у РНПЦ вядзецца індывідуальны дыспансерны ўлік спартсменаў, у іх рэгулярна бяруцца аналізы, робяцца ПЦР-тэсты, кантрольныя агляды. У тых, хто ўжо мае алімпійскую ліцэнзію ці яшчэ можа яе заваяваць, дыспансерызацыя паглыбленая.

"Кожны беларускі спартсмен, які рыхтуецца выступіць на Алімпіядзе, узяты ў нас пад асаблівы кантроль. Яны і самі не хочуць рызыкаваць. Для нас важна, каб атлеты нічым не заразіліся і наогул не хварэлі і, вядома, каб да Гульняў яны падышлі на піку фізічнай і эмацыянальнай формаў", - падкрэсліла дырэктар РНПЦ.

Алімпіяда ва ўмовах пандэміі

Алімпійскія гульні ў Токіо былі перанесены з 2020 года на 2021-ы з-за пандэміі каронавіруса.

Як заявілі арганізатары Гульняў, для іх самае галоўнае - бяспека і здароўе ўдзельнікаў Алімпіяды. Распрацаваны збор правіл, якімі абавязаны няўхільна кіравацца ўсе каманды.

У прыватнасці, за два тыдні да паездкі ў Токіо ўсе члены дэлегацый павінны будуць падаць адмоўны тэст на каронавірус. Падчас Гульняў тэставанне будзе праходзіць мінімум раз у чатыры дні.

Спартсмены павінны будуць выкарыстоўваць спецыяльнае мабільнае прыкладанне, у якім даваць справаздачу аб самаадчуванні. Ім таксама прадпісана пазбягаць фізічнага кантакту з навакольнымі, уключаючы поціскі рук, выконваць сацыяльную дыстанцыю ў два метры. Атлеты не змогуць прыходзіць на трыбуны як гледачы.

У складанні правілаў прымалі ўдзел прадстаўнікі Міжнароднага алімпійскага камітэта, Міжнароднага паралімпійскага камітэта і аргкамітэта Гульняў.

Чытайце таксама:

Тэмы:
Расійскія вакцыны ад каронавіруса (116)
Тэги:
Расія, Беларусь, СНД, каронавірус, вакцына, Вакцынацыя, спорт, Алімпіяда, Токіо

Галоўныя тэмы