МІНСК, 29 сак – Sputnik. Расійскія фігурысткі занялі ўвесь п'едэстал на чэмпіянаце свету па фігурным катанні ў Стакгольме (Швецыя), паведамляе Sputnik.
Ганна Шчарбакова, якая лідзіравала пасля кароткай праграмы (81 бал), паказала другі вынік у адвольнай праграме (152,17) і набрала ў суме двух відаў 233,17 бала. 16-гадовая расіянка заваявала золата сусветнага першынства.
Срэбраны медаль у Лізаветы Туктамышавай - яе вынік у суме склаў 220,46 бала.
На трэцім радку п'едэстала апынулася Аляксандра Трусава (217,20), якая ішла пасля кароткай праграмы 12-й, але расіянка стала лепшай у адвольнай праграме (152,38).
Расіянкі ўпершыню ў гісторыі занялі ўвесь п'едэстал на чэмпіянаце свету па фігурным катанні.
Акрамя таго, расійскім фігурысткам удалося захаваць максімальную квоту на Алімпійскія гульні-2022. У Пекіне Расію прадставяць тры спартсменкі.
Беларусь у жаночым адзіночным катанні прадстаўлена не была. Перад стартам спаборніцтваў высветлілася, што беларуская спартсменка Вікторыя Сафонава заразілася каронавірусам.
Чытайце таксама:
- Беларускія дзюдаісты паспрабуюць ўдачу на турніры ў Тбілісі
- Маджыдаў параўнаў барцоў нацыянальнай каманды з трактарам
- Апублікаваны новы рэйтынг WTA: дзве беларускі знаходзяцца ў топ-15
