Кнігарня "Логвінаў" сыходзіць у творчы адпачынак

Падпісацца
Гандлёвы аб'ект часова зачыніцца з 1 ліпеня, дата аднаўлення яго дзейнасці яшчэ не абвешчаная.

МІНСК, 22 чэр — Sputnik. Кнігарня "Логвінаў" прыпыніць сваю працу з 1 ліпеня бягучага года, такое рашэнне было прынята ў аўторак.

Каментароў адносна прычын дадзенага кроку Sputnik атрымаць не ўдалося.

"Пачынаючы з 1 ліпеня сыходзім у творчы адпачынак. Час патрабуе ад нас перабудовы — каб захаваць творчую прастору, кнігарня зменіць фармат", — паведамілі ў краме.

У сувязі з гэтым у кніжным да канца месяца ўсе выданні будуць прадавацца са зніжкай у 30%.

Раней выдавец Ігар Логвінаў ужо адчуваў фінансавыя цяжкасці. Так, пасля атрымання штрафу за публікацыю "экстрэмісцкіх" фотаальбомаў Belarus Press Photo і пазбаўлення ліцэнзіі на выдавецкую дзейнасць у рэспубліцы ён быў вымушаны збіраць сродкі з дапамогай краудфандынга, а друк кніг перавесці ў Літву.

Вядома, дызайн-крама, бар і галерэя, што знаходзяцца ў тым жа будынку, працягнуць сваю працу.

Стужка навiн
0