МІНСК, 4 ліп — Sputnik. На святкаванні Дня Незалежнасці ў Жодзіна выступалі Алёна Апіна і Уладзімір Ухцінскі, аднак квіткі на канцэрт неабходна было купляць, паведамілі Sputnik чытачы.
Беларусь адзначыла 3 ліпеня галоўнае дзяржаўнае свята — Дзень Незалежнасці. У многіх населеных пунктах рэспублікі ў гэты дзень прайшлі і Дні горада — звычайна іх святкуюць у дзень вызвалення ў гады вайны.
Шырока святкавалі 3 ліпеня і ў Жодзіна: на святочным канцэрце выступалі экс-салістка гурта "Комбинация" Алёна Апіна, Уладзімір Ухцінскі і іншыя знакамітасці. Аднак на святочны канцэрт нельга было проста прыйсці — перад гэтым неабходна было набыць квіток.
Як паведамілі чытачы Sputnik, адзін "квіток" на канцэрт ў гонар Дня Незалежнасці і Дня горада каштаваў дваццаць рублёў. Без квіткоў гледачы маглі толькі слухаць музыку — ля стадыёна "Тарпеда".
Жгу в Жодино трезвая под Аленку Апину, которая поёт песни Комбинации. Каеф.
— назар (@anny_nazarik) 3 июля 2017 г.
Расійскія зоркі — не рэдкасць на святкаванні Дня Незалежнасці. Напрыклад, у абласных цэнтрах выступалі Аляксей Вараб'ёў, Алег Газманаў і іншыя знакамітасці. У Мінску ўвечары 3 ліпеня выступалі беларускія зоркі: NaviBаnd, "Леприконсы" і "Дрозды".
