Фільм "Яно" абганяе канкурэнтаў па пракаце ў 11 разоў

© Photo : New Line CinemaКадр з фільму "Яно"
Кадр з фільму Яно - Sputnik Беларусь
Падпісацца
У свеце за няпоўныя два тыдні пракату экранізацыя рамана Стывена Кінга зарабіла больш за 370 мільёнаў долараў.

МІНСК, 18 вер — Sputnik. Амерыканскі хорар "Яно" другі тыдзень запар з вялікім адрывам ад канкурэнтаў узначальвае беларускі кінапракат, паведамілі Sputnik у сталічным "Кінавідэапракаце".

"Яно" — экранізацыя аднайменнага рамана Стывена Кінга. Фільм выйшаў на вялікія экраны 7 верасня і адразу ўсталяваў рэкорд па стартавых касавых зборах для фільма з узроставым рэйтынгам 17+.

Кадр з фільму Яно - Sputnik Беларусь
"Яно": дапаможнік па правільных здымках фільмаў жахаў

Цяпер жа "Яно" працягвае ўсталёўваць новыя рэкорды: стужку ўжо можна назваць самай паспяховай сярод усіх фільмаў жахаў. Сусветныя касавыя зборы хорару перавысілі 371 мільён долараў, хоць на адным з найбуйнейшых кінарынкаў, кітайскім, "Яно" ў пракат не пусцілі цэнзары.

Па-ранейшаму цікавы фільм і беларускаму гледачу. Так, на мінулым тыдні толькі ў мінскай дзяржаўнай сетцы кінатэатраў карціна зарабіла больш за 175 тысяч рублёў. На другім месцы па зборах стужка Дарэна Аранофскі "мама!", аднак яна зарабіла ў 11 разоў менш "Яно" (15,8 тыс. рублёў).

Таксама ў пяцёрцы лідэраў па зборах застаюцца фільмы "Поспех Логана", "Гогаль. Пачатак" і "Пра каханне. Толькі для дарослых". Прэм'ера мінулага тыдня, расійская камедыя "Напарнік", у беларускім пракаце правалілася.

Стужка навiн
0