МІНСК, 22 вер — Sputnik. Акцёр Сяргей Бязрукаў прызнаў, што здымацца ў Мінску яму падабаецца больш, чым у Маскве і Падмаскоўі. "Тут можна хутка даехаць да пункту здымкі, у адрозненне ад Масквы і Падмаскоўя. Калі здымкі праходзяць у Падмаскоўі, то менш часу зойме пералёт да Мінска, чым шлях да здымачнага павільёна пад Масквой", — распавёў Бязрукаў у прэс-цэнтры Sputnik.
У Беларусі акцёр здымаўся не толькі ў Мінску, але і ў Смалявічах, дзе здымалі карціну "У чэрвені 41-га". Бязрукаў прызнаў, што ганарыцца роляй у гэтай першай і пакуль адзінай у яго фільмаграфіі ваеннай карціне, тым больш, кормяць у Беларусі добра.
"І ў Расіі кормяць добра, але тут неяк асабліва, мабыць, баяцца, што мы можам схуднець. І стаўленне ў Беларусі цудоўнае, дзякуй беларусам за любоў і давер да нас, і мы адказваем вам тым жа", — запэўніў Бязрукаў.
Ён распавёў, што цяпер працуе над карцінай па рамане Сяргея Даўлатава "Запаведнік", і дадаў, што спадзяецца, гэтая карціна дапаможа маладому пакаленню не толькі лепш даведацца, але і адчуць Даўлатава з яго асаблівым гумарам.
Што Бязрукаў думае аб новай карціне, у якой ён выканаў галоўную ролю, а таксама аб новых праектах, самарэалізацыі і многае іншае, глядзіце ў інтэрв'ю з радыёстудыі Sputnik.
