03:10 20 лістапада 2017
«Радыё Sputnik»
Colisium Music Minsk -2017

Colisium Music Week прайшоў у Мінску

© Sputnik/
Пляцоўка
Атрымаць кароткую спасылку
4320

Мерапрыемства наведала 40 спікераў і амаль 300 дэлегатаў з пяці краін бліжэйшага замежжа і Еўропы.

МІНСК, 14 ліс — Sputnik. На 10-й міжнароднай музычнай канферэнцыі ў Мінску, што праходзіла 9-12 лістапада, была прадстаўлена праграма, арыентаваная на развіццё канцэртнага рынку ў Рэспубліцы Беларусь.

Музычная канферэнцыя для прафесіяналаў у сферы музычнай індустрыі прайшла ў Мінску 9-12 лістапада. У межах мерапрыемства былі ўзняты пытанні арганізацыі канцэртаў і фестываляў, актыўных продажаў квіткоў, іміджу артыстаў і ўзаемадзеяння СМІ і арганізатараў канцэртаў.

Сяргей Бабіч, выканаўчы дырэктар Colisium
© Sputnik/
Сяргей Бабіч, выканаўчы дырэктар Colisium

Мінулы Colisium можна назваць міжнародным — мерапрыемства наведалі спікеры не толькі з Расіі, Беларусі і Украіны, але з Фінляндыі і Эстоніі.

"Вельмі важны момант, што сёлета мінскую канферэнцыю наведалі прадстаўнікі адразу пяці краін — Эстоніі, Літвы, Фінляндыі, Украіны і Расіі. Усяго ў канферэнцыі ўзяло ўдзел 40 спікераў і 256 дэлегатаў. Бязвізавы рэжым робіць сваю справу, спадзяемся, што ў далейшым колькасць краін будзе толькі павялічвацца", — распавёў Sputnik арганізатар Colisium Minsk Сяргей Бабіч.

"Мінулы Colisium — вельмі магутны прарыў у параўнанні з мінулымі канферэнцыямі, якія праходзілі ў Мінску. І гэта тычыцца ўсіх паказчыкаў — наведвальнікаў, колькасці заявак, актыўнасці гасцей, якасці пытанняў з залы, колькасці камунікацый і знаёмстваў у перапынках", — адзначыў Бабіч.

З ліку беларускіх спікераў на канферэнцыі з лекцыямі выступілі Аляксандр Касінскі (генеральны дырэктар Kvitki.by), Яўген Адзінец (канцэрт-менеджэр канцэртнага агенцтва All Stars), Алег Лабуть (кіраўнік фестывалю Viva Braslav), Анастасія Змітровіч-Клепацкая (начальнік службы маркетынгу і планавання "Новага радыё"), Сяргей Будкін (заснавальнік "Тузін. FM2) і іншыя.

"На жаль, мне атрымалася наведаць толькі некалькі лекцый, але нават з пачутага я змог сфарміраваць для сябе некалькі новых ідэй. У агульным мерапрыемства цікавае, добрая арганізацыя і пазітыўная атмасфера", — падзяліўся ўражаннямі арганізатар фестываляў у Беларусі, кіраўнік экстрым-тэатра "Берсерк" Аляксандр Рак.

Colisium Musik Minsk 2017
© Sputnik/
Канферэнцыю з лекцыяй наведаў генеральны дырэктар Event Revenue Management Гары Касінен

На думку спікераў ад Беларусі, тое, што робіць каманда арганізатараў Colisium — вельмі важна, бо фактычна гэта адзінае мерапрыемства ў Беларусі, дзе могуць пазнаёміцца і падзяліцца досведам удзельнікі беларускага музычнага рынку і іх замежныя калегі.

"Яшчэ трэба будзе папрацаваць, каб Colisium замацаваўся ў сваім статусе, каб пашырыць яшчэ больш тэматычныя межы, каб канцэрты ў рамках канферэнцыі наведвала больш людзей і з гэтага быў вынік для музыкаў. Каб Colisium стаў не толькі форумам для абмену досведам, але і спрыяў правядзенню ідэй у музычнай сферы ў жыццё і стаў добрай стартавай пляцоўкай для музыкаў. Спадзяюся, што арганізатары з такім жа энтузіязмам падыдуць да справы і ў будучыні", — выказаўся аб працы арганізатараў Colisium Minsk заснавальнік "Тузін. FM" Сяргей Будкін.

Colisium
© Sputnik/
Зоя Скабельцына (Санкт-Пецярбург) выступіла з лекцыяй аб тым, як правільна працаваць з аўдыторыяй у digital інструментах

Таксама ў межах мерапрыемства Мінск наведаў тэле- і радыёвядучы, акцёр Міхаіл Козыраў, які ў мінулы раз быў у беларускай сталіцы ў 2015 годзе. Ён пагутарыў са слухачамі, распавёў, як стаць папулярным у эпоху хайпа і выказаў сваё меркаванне аб творчасці Цімаці, Басты і Аксімірона.

Завяршылася канферэнцыя ў нядзелю 12 лістапада экскурсіяй па найбуйнейшаму канцэртна-спартыўнаму комплексу Беларусі "Мінск-Арэне".

Правілы карыстанняКаментары

Галоўныя тэмы