МІНСК, 8 сне — Sputnik. Прадзюсара і рэжысёра фільмаў з серыі "Людзі Ікс" Браяна Сінгэр абвінавацілі ў згвалтаванні непаўналетняга юнака, паведамілі ў пятніцу амерыканскія СМІ.
Хваля абвінавачванняў у сэксуальных дамаганнях і згвалтаваннях захліснула свет гэтай восенню. Удзельнікаў акцыі #MeToo, у рамках якой ахвяры распавядаюць аб дамаганнях у сацыяльных сетках, часопіс Time назваў "Персонай года", а новыя факты аб сэксуальных злачынствах у свеце знакамітасцяў выкрываюцца і сёння.
Так, 31-гадовы Сезар Санчэз Гузман падаў пазоў супраць Браяна Сінгера — рэжысёра і прадзюсара серыі фільмаў "Людзі Ікс", а таксама карцін "Падазроныя асобы" і "Аперацыя: "Валькірыя".
Як заяўляе Гузман, у 2003-м, калі яму было ўсяго 17 гадоў, Сінгер згвалціў яго на ўласнай яхце. Педафіліяй гэта лічыцца не можа, паколькі інцыдэнт адбыўся ў штаце, дзе ўзрост згоды настае з 16 гадоў, аднак ад абвінавачванняў у згвалтаванні прадзюсару адхрысціцца не так проста.
Сам Сінгер ужо заявіў, што не прымае гэтыя абвінавачванні і гатовы абараняць свой гонар у судзе. Зрэшты, многія нагадваюць: у 2014-м была спроба раздуць скандал, звязаны з тым, што Сингер чапляўся да юнакоў у гасцініцы на Гаваях. Тады інцыдэнт удалося замяць.
З-за абвінавачванняў у дамаганнях ужо пацярпелі вядомы акцёр Кевін Спэйсі, прадзюсер Харві Вайнштэйн і нават спартсмен Віталь Шчэрба. На Захадзе, як правіла, пасля такіх абвінавачванняў адразу звальняюць і скасоўваюць кантракты, не чакаючы рашэння суда.
