МІНСК, 16 вер — Sputnik. Навукоўцы з ЗША выявілі ген, які спрыяе атлусценню, пра гэта даследчыкі напісалі ў сваёй працы для навуковага часопіса Cell Reports.
Даследчыкі з Медыцынскага каледжа Бэйлор і Політэхнічнага ўніверсітэта Вірджыніі выявілі ген Rap1 у клетках мозгу мышэй. Навукоўцы даказалі: "адключэнне" гэтага гена дазваляе змагацца з лішняй вагой больш эфектыўна.
У рамках эксперыменту ў некалькіх мышэй гэты ген блакавалі, пасля чаго іх кармілі ежай з высокім утрыманнем тлушчаў. Мышы з прыгнечаным генам па выніках даследавання набралі менш вагі, чым жывёлы ў кантрольнай групе.
Таксама навукоўцы адзначылі, што мышы з блакаваным генам елі мала, а іх арганізм больш эфектыўна спальваў назапашаны тлушч. Гіпаталамус эксперыментальных грызуноў выпрацоўваў у вялікай колькасці гармон РОМС, які зніжае голад, і ў меншай — гармоны NPY і AGRP, стымулюючыя апетыт.
Уплываў на мышэй з прыгнечаным генам і гармон сытасці — лептын. Вядома, што людзі, якія пакутуюць ад атлусцення, неадчувальныя да яго, так як гармон заўсёды знаходзіцца ў высокай канцэнтрацыі. Аднак у выпадку "адключэння" гена мозг усё адно будзе рэагаваць на гэты гармон.
Навукоўцы ўпэўненыя: пры дапамозе гэтага адкрыцця ўдасца распрацаваць новыя спосабы барацьбы з лішняй вагой.
