Навукоўцы назвалі галоўную небяспеку штучнага апладнення

© Flickr / Thomas Pompernigg / Ich bin schwanger!Цяжарная жанчына, архіўнае фота
Цяжарная жанчына, архіўнае фота - Sputnik Беларусь
Падпісацца
Зачатыя "ў прабірцы" хлопчыкі ўтрая часцей маюць недастатковую для апладнення колькасць палавых клетак.

МІНСК, 9 кас — Sputnik. Зачатыя з дапамогай штучнага апладнення мужчыны маюць меншую здольнасць да прадаўжэння роду, заявіла група навукоўцаў пад кіраўніцтвам Андрэ ван Стэйртэгхэма (Andre Van Steirteghem), перадае газета The Guardian.

Даследчыкі вывучылі канцэнтрацыю палавых клетак у маладых людзей 18-22 гадоў — як зачатых натуральным шляхам, так і тых, якія з'явіліся ў выніку штучнага апладнення.

Рухомасць сперматазоідаў у дзяцей "з прабіркі" апынулася зніжана на 50%. Паводле ацэнак навукоўцаў, такія маладыя людзі ўтрая часцей могуць пакутаваць ад недастатковай для апладнення колькасці палавых клетак.

Навукоўцы выказалі здагадку, што бясплоддзе бацькоў выяўляецца мутацыяй у генах і можа перадавацца ў спадчыну. Пры гэтым, даследчыкі не мяркуюць, што такая рызыка ад штучнага апладнення павінна змушаць пары адмаўляцца ад працэдуры — бо іх нашчадкам у будучым можа спатрэбіцца такая ж аперацыя.

Стужка навiн
0