Беларуская антарктычная экспедыцыя прыступіла да працы ў аўтаномным рэжыме

© Sputnik / Виктор ТолочкоУдзельнікі беларускай антарктычнай экспедыцыі
Удзельнікі беларускай антарктычнай экспедыцыі - Sputnik Беларусь
Падпісацца
Асабісты састаў станцыі спакойна дабраўся да лакацыі каля гары Вячэрняя на Антарктыдзе, змантаваў платформу пад секцыі лабараторна-жылога модуля і прыступіў да навуковых даследаванняў.

МІНСК, 6 сту — Sputnik. Беларуская антарктычная экспедыцыя прыступіла да працы ў аўтаномным рэжыме, паведамілі Sputnik ў прэс-службе Нацыянальнай акадэміі навук.

На базу каля гары Вячэрняя ў Антарктыдзе асабісты састаў БАС прыбыў 29 снежня. Каманда навукоўцаў у складзе 6 чалавек была дастаўлена па паветры з борта расійскага навукова-экспедыцыйнага судна "Акадэмік Фёдараў".

"У перыяд з 27-29 снежня 2016 паспяхова праведзена паветраная транспартная аперацыя па дастаўцы асабістага састава, матэрыяльнага забеспячэння і канструкцый 2-га аб'екта Беларускай антарктычнай станцыі каля гары Вячэрняя ў Антарктыдзе", — цытуе словы начальніка БАС Аляксея Гайдашова прэс-служба НАН.

На сённяшні дзень удзельнікі экспедыцыі ўжо змантавалі другі аб'ект БАС — установачны модуль-платформу пад шэраг секцый лабараторна-жылога модуля- і прыступілі да выканання праграмы навуковых даследаванняў.

Удзельнікі правядуць комплексны наземны і спадарожнікавы маніторынг атмасферы і падсцілаючай паверхні ў Антарктыдзе. Сярод іншых навуковых інтарэсаў:

  • радыяцыйная каліброўка спектральнай апаратуры беларускіх і расійскіх спадарожнікаў БКА і Канопус;
  • даследаванне малых газавых складнікаў атмасферы на сезонныя варыяцыі ультрафіялетавага апраменьвання ў прыземным слоі і водных экасістэмах ў раёне экспедыцыі;
  • комплекснае даследаванне, ацэнка перспектыў выкарыстання біялагічных рэсурсаў і экалагічны маніторынг біятычных кампанентаў навакольнага асяроддзя Антарктыды і шэраг іншых.
  • Старт беларускай антарктычнай экспедыцыі быў урачыста дадзены ў кастрычніку 2016 года. З лістапада пачалася адпраўка грузу і асабістага саставу.
Стужка навiн
0