СМІ: "УКантакце" абмежавала магчымасць слухаць музыку

© Sputnik / Наталья Селиверстова / Перайсці ў медыябанк"Укантакце"
Укантакце - Sputnik Беларусь
Падпісацца
Мяркуецца, што зараз бясплатна карыстальнікі змогуць слухаць музыку ў сацыяльнай сетцы толькі па гадзіне штодня.

МІНСК, 2 кас — Sputnik. Сацыяльныя сеткі "УКантакце" і "Аднакласнікі" абмяжоўваюць фонавае праслухоўванне музыкі ў сваіх мабільных праграмах, пішуць профільныя выданні са спасылкай на кампанію United Media Agency (UMA).

Лагатып сацыяльнай сеткі ВК - Sputnik Беларусь
Як жыць: што карыстальнікі думаюць аб платнай музыцы ў сацсетках

Афіцыйнага пацверджання гэтай інфармацыі ад кіраўніцтва "УКантакце" і "Аднакласнікаў" няма, аднак шэраг выданняў сцвярджаюць, што змены ўжо ўступілі ў сілу.

Мяркуецца, што цяпер карыстальнікі з мабільных праграм сацыяльных сетак могуць слухаць музыку не больш за гадзіну ў дзень. Пры перавышэнні гэтага ліміту сацсетка будзе прапаноўваць купіць падпіску.

Таксама абмежаванні закранулі праграму Boom, якая таксама інтэгравана з сацыяльнымі сеткамі. У будучыні адміністрацыя можа яшчэ больш скараціць ліміт на праслухоўванні бясплатнай музыкі.

Пасля з'яўлення навін аб падобных абмежаваннях ва "УКантакце" і "Аднакласніках" у лідары Play Market і AppStore вырваліся іншыя праграмы на смартфонах, якія дазваляюць слухаць і спампоўваць музыку з сацыяльных сетак.

У вэб-версіі сацыяльных сетак праслухоўванне музыкі застанецца бясплатным, аднак паміж трэкамі па-ранейшаму часам будзе з'яўляцца рэклама.

Стужка навiн
0