Эстонцы змогуць знаходзіцца ў Беларусі да 180 дзён

© Sputnik / Владимир Песня / Перайсці ў медыябанкТалін, архіўнае фота
Талін, архіўнае фота - Sputnik Беларусь
Падпісацца
Урады Беларусі і Эстоніі маюць намер заключыць пагадненне, якое спросціць працэдуру ўезду і знаходжання грамадзян Эстоніі на тэрыторыі нашай краіны.

МІНСК, 9 кра — Sputnik. Падпісанне эстонска-беларускага дагавора, які спрашчае ўезд грамадзян Эстоніі на тэрыторыю Беларусі плануецца ў бліжэйшы час.

Як паведамляе Sputnik Эстонія, у адпаведнасці з гэтым дакументам грамадзяне Эстоніі атрымаюць права знаходзіцца на тэрыторыі Беларусі не 90 дзён, як прадугледжана цяперашнімі візавымі правіламі, а 180. Да таго ж рэгістравацца трэба будзе не з пятага дня, як зараз, а з 31-га. Калі ж эстонец страціць дакументы, якія сведчаць асобу, ён зможа хадайнічаць аб выязным візе.

"Мы вельмі рады. Прадстаўнікі беларускай дыяспары ў Эстоніі вельмі шмат зрабілі для таго, каб эстонска-беларускія адносіны развіваліся. Падобна на тое, што кантакты, якія будаваліся да гэтага часу перш за ўсё на чалавечым узроўні, пачалі пераходзіць і на ўзровень дыпламатычных", — сказала Sputnik кіраўнік Асацыяцыі беларусаў у Эстоніі Ніна Савінава.

У апошні час, як адзначае Савінава, пазначылася відавочнае ажыўленне ў адносінах паміж нашымі краінамі, у тым ліку і ў эканамічных. Эстонцы на сёння будуюць у Беларусі і спа-гатэлі, і супермаркеты.

"Відавочна, што адыграла сваю ролю і тое, што Еўропа зняла з Беларусі санкцыі. Літаральна адразу там адкрыліся некалькі візавых цэнтраў. Цяпер вось ідзе праца над новым пагадненнем. Можна сказаць, што лёд крануўся, і хочацца верыць, што адносіны цяпер будуць развівацца больш актыўна. У Эстоніі бо жывуць 14 тысяч беларусаў", — распавяла яна.

Стужка навiн
0