21:03 17 кастрычніка 2018
«Радыё Sputnik»
  • USD2.11
  • EUR2.44
  • 100 RUB3.22
Вільнюс

Беларусы лідзіруюць на турыстычным рынку Літвы

© Pixabay
Турызм
Атрымаць кароткую спасылку
1110

У цэлым карціна турыстычнага рынку ў Літве застаецца нязменнай: першая тройка лідараў па-ранейшаму складаецца з грамадзян Беларусі, Расіі і Польшчы, затым ідуць Украіна і краіны Балтыі.

МІНСК, 3 вер — Sputnik. Немцы, італьянцы, французы, англічане, шведы, нарвежцы, японцы, кітайцы, амерыканцы і жыхары Ізраіля — каля 210,7 тысячы турыстаў з вышэйназваных краін са студзеня па чэрвень правялі 1,059 мільёна начлегаў у Літве, паведамляе Sputnik Літва.

Абодва гэтых паказчыка характарызуюцца ўстойлівым ростам.

Вільнюс, архіўнае фота
© Sputnik / Алексей Филиппов

У цэлым за першае паўгоддзе 2017 года колькасць турыстаў у Літве павялічылася на 7,7%. На працягу першых шасці месяцаў года 1,29 мільёна турыстаў падарожнічалі па краіне па меншай меры з адным начлегам.

З іх турысты з замежжа склалі 692,6 тысячы, гэта значыць на 6,1% больш, чым за аналагічны перыяд мінулага года, а мясцовыя турысты — 601,3 тысячы, гэта значыць на 9,7% больш, чым ў 2016 годзе.

Асабліва хуткім ростам у першым паўгоддзі 2017 года выдзяляецца Вялікабрытанія (па статыстыцы ўстаноў, дзе сяліліся турысты) — адтуль прыбыло 28,2 тысячы турыстаў, што на 8,4% больш, чым за першае паўгоддзе 2016 года. Таксама вырас паток французаў (+6,6%), італьянцаў (+5,0%), шведаў (+1,4%). А колькасць турыстаў з Францыі, якія правялі ноч у Літве, вырасла на 13,8%.

"Чаму нам найбольш актуальныя патокі турыстаў з Германіі, Італіі, Францыі, Вялікабрытаніі, Швецыі і Нарвегіі? Таму, што гэтыя краіны з'яўляюцца мэтавымі ва ўязным турыстычным рынку. Мы вельмі зацікаўлены ў прыцягненні турыстаў адтуль, як і з далёкага замежжа, у прыватнасці, такіх краін, як ЗША, Японія", — адзначыла часовы кіраўнік дэпартамента турызму пры міністэрстве эканомікі Індрэ Тракімайтэ-Шэшкувенэ.

Шопінг, замкі і Вільня наша: што беларусы ведаюць пра Літву
© Sputnik Елена Васильева, Артем Бордовский

Паводле яе слоў, яшчэ больш актуальны паказчык колькасці начлегаў турыстаў у Літве. Ён за першае паўгоддзе гэтага года вырас на 7,2%.

Павялічылася колькасць турыстаў і з далёкіх турыстычных рынкаў: ЗША (+24,3%), Ізраіля (+19,8%), Кітая (+45,1%). У першым паўгоддзі гэтага года больш начлегаў у літоўскіх установах для размяшчэння турыстаў правялі прыезджыя з усіх далёкіх турыстычных уязных рынкаў: колькасць начлегаў кітайцаў павялічылася на 49,5%, жыхароў Ізраіля — на 34,9%, амерыканцаў — на 6,2%, японцаў — на 1,9%.

Вялікая колькасць турыстаў у Літве назіралася і з іншых важных турыстычных рынкаў: Беларусі — 78,8 тысячы (+5%), Расіі — 77,1 тысячы (+10,5%), Польшчы — 73,6 тысячы (+5%), Латвіі — 64 тысячы (+8,5%), Украіны — 38,7 тысячы (+0,2%), Эстоніі — 27,1 тысячы (+9,2%).

Раней Дэпартамент турызму паведамляў, што лідарамі сярод турыстаў, якія пакінулі найбольшую колькасць грошай у Літве, сталі беларусы і расіяне, якія пакінулі ў краіне 117,7 і 95,8 мільёна еўра адпаведна.

По теме

Нацбанк выпускае памятныя манеты "Шлях Скарыны. Вільня"
Тэги:
туризм и отдых, туризм, Літва, Беларусь
Правілы карыстанняКаментары

Галоўныя тэмы