МІНСК, 8 сту - Sputnik. C гэтага года транзітныя пасажыры авіякампаніі "Белавія" змогуць скарыстацца пералётам з прыпынкам (стоповерам) у Мінску, паведамілі ў авіякампаніі. Цяпер замежнікі могуць бясплатна пабываць у Беларусі, пры гэтым, не праводзячы час у зале чакання да наступнага вылету.
"Новая опцыя дазволіць пасажырам зрабіць сваё падарожжа больш насычаным і пазнаёміцца з нашай краінай, не павялічваючы пры гэтым выдаткі на авіяпералёт", - адзначыў генеральны дырэктар "Белавія" Анатоль Гусараў.
У кампаніі таксама выказалі надзею, што магчымасць наведаць дадатковую краіну падчас запланаванага пералёту будзе запатрабаваная транзітнымі пасажырамі, асабліва ўлічваючы факт бязвізавага ўезду ў Беларусь для грамадзян многіх дзяржаў.
Аформіць авіябілет з транзітным прыпынкам у Мінску можна ў касах "Белавія", прадстаўніцтвах авіякампаніі за мяжой, а таксама ў агентаў. Акрамя гэтага, зараз вядуцца работы па ўкараненні магчымасці набыцця гэтай паслугі на сайце авіякампаніі.
