МІНСК, 31 сак – Sputnik. Авіякампанія "Белавія" аднаўляе палёты па кірунку Мінск - Калінінград, гаворыцца на сайце авіяперавозчыка.
Авіязносіны паміж гарадамі зноў пачнуцца з 2 красавіка. Самалёт будзе лятаць па гэтым маршруце раз на тыдзень па пятніцах: вылет з Мінска ў 8.30 (прыбыццё ў Калінінград у 8:30 па мясцовым часе). Зваротны рэйс Калінінград - Мінск у 9:10 з прыбыццём у Мінск у 11:10.
Раней "Белавія" у сувязі з кавіднай сітуацыяй прыпыніла палёты Мінск - Калінінград з 23 сакавіка мінулага года, потым некалькі разоў падаўжала гэтыя тэрміны.
У сакавіку гэтага года аднавіліся рэйсы з Калінінграда ў Мінск: допуск на пералёты атрымалі расійскія перавозчыкі "Уральские авиалинии" і "Северный ветер".
З 8 лютага аднавіліся чыгуначныя зносіны паміж Расіяй і Беларуссю: пачалі хадзіць цягнікі па маршрутах Мінск - Масква – Мінск, Масква - Калінінград, Калінінград - Санкт-Пецярбург.
Чытайце таксама:
- Самалёты з Мінска ў Батумі пачнуць зноў лётаць з 30 сакавіка
- Чарнагорыя спрасціла ўезд для турыстаў
- Цягнікі расійска-беларускага і зваротнага напрамку будуць рабіць больш прыпынкаў
