Чатырнаццаты штогадовы дзіцячы конкурс песні "Еўрабачанне" пройдзе ў Валеце, сталіцы Мальты, фінал прызначаны на 20 лістапада. Беларусь на ім прадставіць Аляксандр Мінёнак.
Адправіліся Саша і яго каманда на Мальту яшчэ на мінулым тыдні: юнага выканаўцу чакае мноства рэпетыцый. Таксама беларуская каманда ўжо паўдзельнічала ў некалькіх мерапрыемствах і завяршыла здымкі відэавізіткі для "Еўрабачання".
У сваім выступе Мінёнак плануе ўразіць Еўропу не толькі песняй "Музыка маіх перамог", але і нумарам — у ім будуць выкарыстаны гіраскутэры.
Відэа з рэпетыцыяй беларускага прадстаўніка ўжо апублікавана арганізатарамі. Эксперты і фанаты "Еўрабачання" не вераць у поспех Сашы Мінянкова, аднак ён яшчэ можа ўсіх здзівіць.
Наогул, беларускія ўдзельнікі — самыя паспяховыя на дзіцячым "Еўрабачанні". Маладыя вакалісты з Беларусі двойчы перамагалі на конкурсе, адзін раз атрымлівалі "срэбра" і двойчы — "бронзу".
