На дзесяці квадратных метрах — багацце на дзясяткі тысяч долараў. У антыкварны магазін некаторыя людзі заходзяць як у музей — паглядзець на эксклюзіўныя прадметы векавой і больш даўнасці, натхніцца мастацтвам мінулага. Аднак асноўная катэгорыя наведвальнікаў — калекцыянеры і шукальнікі яркіх падарункаў.
"Прыходзяць купляць прадметы ў калекцыю. Для кагосьці гэта ўкладанне грошай. Большасць купляе антыкварыят у якасці падарунка", — распавяла Алена Гаўрычэнка, кансультант антыкварнага салона.
Кошты ў салоне вар'іруюцца. Да прыкладу, двухсотгадовай набор срэбных лыжак каштуе парадку палутара тысяч долараў. Французскі гадзінік у стылі "буль" — 35 тысячы долараў. Гадзіннік, дарэчы, у працоўным стане. Многія прадметы, дарэчы, можна выкарыстоўваць, асабліва мэблю і посуд.
"У нас ёсць карціны і за сто долараў, і за дзве-тры тысячы. Усё гэта працы беларускіх мастакоў. Гэта і сучасныя палотны, і карціны сярэдзіны мінулага стагоддзя", — паведаміла спецыяліст па продажах галерэі мастацтва Яніна Сячко.
Тут жа можна знайсці скульптуры беларускіх аўтараў і антыкварыят з заходніх краін.
Асаблівым запалам калекцыянераў з'яўляюцца кнігі. Узрост — далёка не галоўны фактар каштоўнасці кнігі. Нават стогадовае выданне можа не каціравацца, калі, да прыкладу, кніга перавыдавалася. Пры ацэнцы ўвагу надаюць мастацкай каштоўнасці кнігі, тыражу, наяўнасці ілюстрацый, пасмяротнае гэтае выданне ці не.
"Добрая захаванасць, скураны пераплёт, залатыя ціснення, ёсць тытульны ліст — стаіць такая кніга 13 мільёнаў (да дэнамінацыі — Sputnik), — прадэманстравала тэхнічнае выданне Галіна Кандратовіч, прадавец букіністычнага аддзела кнігарні.
Калі супрацоўнікі не могуць назваць цану рарытэтнага выдання, яны звяртаюцца па дапамогу ў Нацыянальную бібліятэку. Якая, дарэчы, таксама з'яўляецца частым пакупніком у букіністычнай краме.
