Відэа

Відэафакт: Фіёна Гіб чытае верш Максіма Багдановіча

Падпісацца
Амбасадар Вялікабрытаніі прачытала знакаміты верш "Па-над белым пухам вішняў", а мастацтвазнаўца Мікіта Моніч знайшоў у ім усходнія матывы.

Гэтымі днямі ў Мінску праходзіць міжнародны кніжны кірмаш. Адной з пляцовак для ўрачыстых мерапрыемстваў стаў музей Максіма Багдановіча. Сёлетнім ганаровым госцем кніжнага кірмашу стала Вялікабрытанія.

Музей класіка беларускага паэтычнага слова зладзіў імпрэзу, прысвечаную брытанскай перакладчыцы беларускай літаратуры Веры Рыч. Спадарыня Фіёна Гіб — амбасадар яе Вялікасці ў Беларусі мела гонар прачытаць верш Максіма Багдановіча "Па-над белым пухам вішняў".

Усходня ноткі ў знакамітым вершы знайшоў вядомы мастацтвазнаўца Мікіта Моніч. Па яго словах, ад пачатку мы сутыкаемся з эстэтыкай японскага светаўспрымання, дзе вішня — гэта, канешне, сакура. А напрыканцы паэт, які сыйшоў у пустэльню — гэта блізка да эстэтыкі кітайскай паэзіі, таго ж Ду Фу, напрыклад.

Стужка навiн
0