У Дзень Паветрана-дэсантных войскаў у гарадах традыцыйна можна ўбачыць мужчын у цяльняшках і блакітных берэтах. Некаторыя з іх не проста радасна шпацыруюць па горадзе, а спрабуюць заваяваць мясцовыя фантаны або вадаёмы.
Cёлета ў Мінску дэсантнікі святкуюць памятны дзень не так актыўна. У абед навала вайскоўцаў запасу назіралася на набярэжнай Свіслачы недалёка ад Вострава Мужнасці і Смутку.
Забава купацца ў фантанах заўважана не была. Каля тэатра оперы і балета ў вадзе гарэзуюць толькі дзеці. Ля фантана ў парку Янкі Купалы гараджане загараюць на лаўцы і фатаграфуюцца. Дэсантнікаў ля вады не было. А вось супрацоўнікі міліцыі прысутнічалі.
