Дзеці прыбылі ў Беларусь на адпачынак, а па сутнасці, каб пачаць жыццё зноўку. Бо тут яны могуць завесці новых сяброў і забыць жахі вайны: бацькі некаторых загінулі падчас ваенных дзеянняў або былі выкрадзены тэрарыстамі.
Консул Сірыйскай Арабскай Рэспублікі ў Беларусі Махамед Ях'я, сустракаючы маленькіх гасцей, адзначыў, што статыстыкі па колькасці такіх дзяцей у Сірыі не вядзецца. Але іх мноства, запэўніў ён. "Тэрарысты аб гэтым паклапаціліся", — сказаў консул.
Сірыйцаў сустракалі, як самых ганаровых гасцей, — апладысментамі і караваем. На сустрэчу прыехалі прадстаўнікі Міністэрства адукацыі, дырэктар НДЦ "Зубраня", сірыйскія валанцёры.
У групе дзяцей быў 14-гадовы хлопец Гадзір Ражаб, бацькоў якога не стала два гады таму. Цяпер хлопчык вучыцца ў спецшколе ў Дамаску, дзе такіх як ён нямала. Але там часта ўспамінае аб горадзе, дзе жыў калісьці са сваёй яшчэ шчаслівай сям'ёй.
"Вельмі прыгожы горад. Мора, горы, рака", — распавядаў у аэрапорце ён. Словы падзякі беларускаму прэзідэнту і народу казаў кожны з дзяцей, што прыбывалі ў Мінск. Рагаў Салім не стала выключэннем. Яна прызналася журналістам, што першыя ўражанні аб Беларусі ў яе склаліся самыя пазітыўныя. "Усё вельмі прыгожа", — сказала дзяўчынка.
Як сустракалі сірыйскіх гасцей у Нацыянальным аэрапорце Мінск, глядзіце на відэа Sputnik.
