Даўжыня літар — 130 метраў. Трактаразаводцы абралі поле непадалёк ад Нацыянальнага аэрапорта "Мінск", каб размах можна было ацаніць з ілюмінатараў самалётаў.
"Нашай задачай было такім чынам зрабіць своеасаблівую візітоўку краіны", — распавялі Sputnik у прэс-службе Мінскага трактарнага завода.
Карпатлівая праца, як адзначылі на МТЗ, заняла два тыдні. Мяркуючы па відэа, поле спачатку размецілі ўручную, а затым ўзор і надпіс аралі некалькімі трактарамі. Сярод іх — флагман МТЗ — 450-моцны BELARUS-4522.
