02:02 18 лістапада 2017
«Радыё Sputnik»
Відэа

Палякі рукамі раскруцілі кола агляду ў мёртвай Прыпяці

Атрымаць кароткую спасылку
24 0 0
© YouTube / MaksBotvinko

Турысты з Польшчы пабывалі ў зоне адчужэння. Глядзіце на відэа, як ім удалося раскруціць кола агляду ў горадзе Прыпяць.

Польскія турысты пабывалі ва ўкраінскім горадзе-прывідзе Прыпяць, які знаходзіцца ў зоне адчужэння пасля катастрофы на Чарнобыльскай АЭС. Падчас "экскурсіі" палякам прыйшло ў галаву запусціць кола агляду — адну з галоўных славутасцяў мёртвага горада.

"Кола было запушчана без выкарыстання электрычнасці, то бок механічна", — растлумачыў у апісанні пад відэа яго аўтар Крыстафер Гржыбек.

Паводле яго слоў, ні адзін механізм пры гэтым не быў пашкоджаны, а запісаўшы відэа, усё вярнулі ў ранейшы стан.

Украінскія актывісты маюць намер падаць скаргу ў Дзяржагенцтва Украіны па кіраванні зонай адчужэння ў сувязі з тым, што здарылася. Яны тлумачаць гэта тым, што кола магло абарвацца, у выніку чаго пацярпелі б людзі.

Дзеянні польскіх турыстаў актыўна абмяркоўваюць у сеціве. Некаторыя карыстальнікі хваляць палякаў, якія паспрабавалі ажывіць горад, іншыя — негатыўна паставіліся да ўчынку, заявіўшы, што цяпер гэтых людзей будзе пераследваць прывід Прыпяці.

Відэа, якое паспелі паглядзець амаль 40 тысяч разоў, з'явілася на YouTube 11 верасня, але аўтар выдаліў яго 13 верасня. Аднак карыстальнікі паспелі спампаваць ролік і запампаваць яго нанова.

Сярод сталкераў ходзіць мноства чутак пра прыпяцкае кола агляду. Паводле аднаго з самых папулярных, пад атракцыёнам размешчана мноства анамалій, і калі доўга глядзець на кола, яно можа загіпнатызаваць і пацягнуць да сябе, пасля чаго чалавек прападзе.     

Правілы карыстанняКаментары

Яшчэ відэа

Галоўныя тэмы