21:17 19 студзеня 2019
«Радыё Sputnik»
  • USD2.15
  • EUR2.45
  • 100 RUB3.24

Па словах прэс-сакратара беларускага прэзідэнта Наталлі Эйсмант, Аляксандр Лукашэнка вельмі любіць фізічную працу, асабліва на зямлі - касіць траву, калоць дровы, збіраць ураджай.

Прэзідэнт сваё бліжэйшае асяроддзе прывучае да фізічнай працы - калоць дровы навучылася не толькі яго прэс-сакратар, але і "Міс Беларусь 2018" Марыя Васілевіч.

У эфіры вячэрняга шоу "Макаёнка, 9" на тэлеканале "Беларусь 1" у суботу былі паказаны кадры, як на прэзідэнцкім падворку нарыхтоўваюць дровы на зіму. Па словах Эйсмант, да гэтай працы былі прыцягнуты ўсе, у тым ліку супрацоўніцы службы пратаколу і галоўная прыгажуня Беларусі.

"Яна, вядома, не распавядала, але менавіта так яна рыхтавалася да конкурсу "Міс свету". І вынік усё ведаюць - эфектыўна", - пажартавала Эйсмант.

Прэс-сакратар таксама адзначыла, што за чатыры гады працы яна ў Лукашэнкі шмат чаму навучылася, у тым ліку нарыхтоўваць сена, дровы і катацца на горных лыжах.

Эйсмант нагадала: усе ведаюць, што беларускі прэзідэнт любіць фізічную працу, асабліва на зямлі - ён з задавальненнем прымае ўдзел ва ўсіх работах на сваім прысядзібным участку.

Эфір праграмы "Макаёнка, 9" можна паглядзець на афіцыйным YouTube-канале Белтэлерадыёкампаніі.

Тэги:
Аляксандр Лукашэнка

Яшчэ відэа

Галоўныя тэмы