Відэа

Дапамога на "Дакары": літовец паказаў, як МАЗ выцягнуў яго пазадарожнік

Падпісацца
Экіпаж Аляксандра Васілеўскага дапамог літоўцу Бенедыктасу Ванагасу вярнуць яго Toyota "на колы". Глядзіце на відэа, як беларусы дапамагалі "суседу".
Ванагас і яго штурман, паляк Себасцьян Развадоўскі, патрапілі ў аварыю ў ходзе аднаго з этапаў ралі-рэйду "Дакар" - яго пазадарожнік перавярнуўся на бок.
МАЗ Васілеўскага, які праязджаў міма, спыніўся, каб дапамагчы экіпажу.
Гоншчыкі прычапілі трос да рамы пазадарожніка і, здаўшы назад, паставілі машыну на колы.
"Добра мець сяброў у "Дакары", якія працягваюць руку дапамогі", - напісаў у Facebook літоўскі гоншчык. Ён адзначыў, што ў яго і штурмана не хапіла б сілы, каб перавярнуць двухтонную ралійную машыну.
Перад апошнім этапам літоўска-польскі экіпаж займае 11-е месца ў заліку пазадарожнікаў.
Дарэчы, узаемадапамога пастаянна прысутнічае ў ралі - гоншчыкі пастаянна дапамагаюць адзін аднаму. Пры гэтым час, які быў выдаткаваны на дапамогу, кампенсуецца арганізатарамі.
Стужка навiн
0