Удалечыні ад цывілізацыі, у самым халодным населеным месцы планеты, у Якуціі, 58-гадовы Цімафей жыве ўжо 30 гадоў.
Пасля таго як жыццё разлучыла яго спачатку з бацькамі, а затым з братам і сёстрамі, ён спрабаваў знайсці іх, але затым страціў надзею і вырашыў жыць у лесе, наколькі можна далей ад усіх.
Жыве мужчына ў доміку, які пабудаваны з зямлі і дрэва, і сілкуецца, як ён сам кажа, "чым Бог паслаў". Ён нарыхтоўвае рыбу, прычым яму не патрэбен халадзільнік - дастаткова павесіць яе ў мех на вуліцы.
Домік у Цімафея невялікі, аднак для яго аднаго месца дастаткова. Адзіныя яго сябры ў такой глухамані - сабака і кошка. І ўсе яны змаглі перажыць як шасцідзесяціградусныя маразы, так і моцную спякоту.
І ўсё ж праз доўгія гады сваякі Цімафея знайшлі яго, і цяпер ён рыхтуе сваё жыллё да сустрэчы самых дарагіх гасцей.
