На адкрыццё мотасезона ў беларускую сталіцу з'ехаліся байкеры з усёй краіны. Больш за тое, прыбылі таксама госці з Расіі, Польшчы, Украіны.
Матацыклісты сабраліся каля Лядовага палаца спорту і затым калонай праехалі да Шчомысліца, дзе адкрылася спецыялізаваная выстава "Мотавелаэкспа-2019". Там для гасцей і ўдзельнікаў зладзілі конкурсы і паказальныя выступленні.
На ўсім шляху калону байкераў суправаджалі супрацоўнікі ДАІ. Парад традыцыйна - адзін з самых відовішчных і яркіх момантаў адкрыцця сезону.
