Відэа

Штогадовы фестываль "Тбілісоба" праходзіць у Мінску

Падпісацца
У гэтым годзе фестываль праходзіць пад слоганам "Свята з грузінска-беларускім характарам" і прысвечаны дружбе дзвюх краін. Як беларусы далучаюцца да грузінскай культуры, глядзіце на відэа Sputnik.

Вялікі грузінскі фестываль "Тбілісоба" праходзіць у суботу ў Верхнім горадзе. Ён стаў юбілейным - пятым па ліку. У гэтым годзе арганізатары падрыхтавалі для беларусаў, якія жадаюць далучыцца да грузінскай культуры, шмат сюрпрызаў. Адным з іх стаў велізарны фудкорт, які расцягнуўся ад Ратушы да набярэжнай Свіслачы, - там госці свята могуць пакаштаваць стравы нацыянальнай грузінскай кухні.

На фестывальнай пляцоўцы з поўдня гучыць музыка. На танцпляцоўцы можна ўбачыць танцы "Мціўлуры" і "Лявоніху", а таксама выступленні ў стылі хіп-хоп і кантэмпарары. Тыя, хто любіць актыўны адпачынак, праводзяць час у эктыў-парку, а дзеці - у дзіцячым гарадку. Завершыць фестываль адкрыты канцэрт гурта "Мгзаврэбі".

У рамках фестывалю "Тбілісоба" ў Мінску адкрылі "Грузінскі дом". Па задумцы стваральнікаў, "Грузінскі дом" стане новай платформай для гандлёвых, эканамічных і культурных сувязяў паміж Беларуссю і Грузіяй. Тут пад адным дахам знаходзіцца музей віна, магазін сапраўдных грузінскіх прадуктаў, пякарня і рэстаран.

Стужка навiн
0