Мінск у трэці раз падтрымаў Міжнародную адукацыйную акцыю "Геаграфічны дыктант". Мерапрыемства адбылося ў нядзелю на пляцоўцы Расійскага цэнтра навукі і культуры.
"Геаграфічны дыктант" упершыню прайшоў у 2015 годзе ў Расіі. Два гады таму акцыя атрымала міжнародны статус. У гэтым годзе дыктант пішуць амаль на 6 тысячах пляцовак у Расіі і за мяжой. Прычым варыянты для Расіі і іншых краін адрозніваюцца.
Кожны варыянт дыктанта складаецца з 40 пытанняў, падзеленых на дзве часткі, якія адрозніваюцца па ступені складанасці. Першая - больш простая частка - складзена на аснове агульнавядомых фактаў з геаграфіі, другая патрабуе ад удзельнікаў акцыі прымянення вобразнага мыслення, логікі і эрудыцыі.
У Расіі ў акцыі паўдзельнічалі прэзідэнт Рускага геаграфічнага таварыства Сяргей Шайгу і спецпрадстаўнік прэзідэнта РФ па пытаннях прыродаахоўнай дзейнасці, экалогіі і транспарту Сяргей Іваноў.
Па словах Шайгу, пытанні сталі яшчэ цікавей, чым раней. Ён таксама нагадаў, што асноўная мэта дыктоўкі - абудзіць у людзях цікаўнасць, а не загнаць у кут складанымі пытаннямі.
У гэтай жа аўдыторыі ўпершыню пісаў дыктоўку лідар групоўкі "Ленінград" Сяргей Шнураў, які прызнаўся пасля журналістам, што спрабаваў спісаць у Шайгу, але не ўдакладніў, наколькі ўдала.
