Выбары членаў Савета Рэспублікі - верхняй палаты беларускага парламента - адбыліся ў Беларусі ў чацвер. Будучых сенатараў выбіралі мясцовыя саветы дэпутатаў: мінскі гарадскі і абласныя.
Sputnik наведаў выбары членаў Савета Рэспублікі ад Мінска. Мерапрыемства адбылося раніцай 7 лістапада ў сталічнай Ратушы.
Усе восем прэтэндэнтаў на сенатарскія месцы знайшлі падтрымку ў дэпутатаў. У выніку ў склад Савета Рэспублікі ад Мінска прайшлі:
- дырэктар РНПЦ дзіцячай хірургіі Канстанцін Драздоўскі,
- галоўны вучоны сакратар НАН Андрэй Іванец,
- дырэктар гімназіі №10 Марына Ільіна,
- вядомы трансплантолаг Алег Румо,
- начальнік галоўнага ўпраўлення Мінфіна па Мінску Таццяна Рунец,
- загадчык кафедры дыпламатычнай і консульскай службы ФМА БДУ Андрэй Русаковіч,
- кіраўнік Інстытута прававых даследаванняў Нацыянальнага цэнтра заканадаўства і прававых даследаванняў Сяргей Сівец,
- старшыня Беларускай рэспубліканскай калегіі адвакатаў Віктар Чайчыц.
Нагадаем, сенатары працуюць на грамадскіх пачатках, сумяшчаючы сваю дзейнасць з асноўнай занятасцю. Зарплату атрымліваюць толькі кіраўнікі камісіі, а таксама спікер і віцэ-спікер сената.
Цікава, што ў гэтым годзе кіраўніцтва Савета Рэспублікі памяняецца - сыходзяць з верхняй палаты і Міхаіл Мясніковіч, і Мар'яна Шчоткіна.
Ужо 17 лістапада ў Беларусі пройдуць выбары членаў Палаты прадстаўнікоў.
