14:52 20 лютага 2020
«Радыё Sputnik»
  • USD2.20
  • EUR2.38
  • 100 RUB3.46
Відэа

Памяць пра Халакост: страшная ідэя цаной у шэсць мільёнаў жыццяў

Атрымаць кароткую спасылку
1410

За гады другой сусветнай вайны было створана 42 тысячы канцэнтрацыйных лагераў і гета, семдзесят пяць гадоў назад вызвалілі вядомы лагер смерці "Асвенцым".

Халакост стаў катастрофай яўрэяў Еўропы і забраў шэсць мільёнаў жыццяў. За некалькі гадоў нацысты стварылі 42 тысяч канцэнтрацыйных лагераў і гета.

Былы вязень Якаў Краўчынскі быў дзіцем, калі гета з'явілася ў Мінску.

"Не меў права ні выйсці, нічога. Надзелі латы, далі нумары, каб, у выпадку чаго, можна было адразу знайсці, дзе чалавек жыве. Калі не ў час зняў шапку - цябе стралялі. Перш за ўсё яны ліквідавалі інтэлігенцыю. Потым кантрыбуцыю вялікую наклалі. Ну а потым пачалі вылоўліваць мужчын ад шаснаццаці гадоў і гадоў да пяцідзесяці ", - распавядае Краўчынскі.

Ён згадвае, як па радыё амаль да апошняга дня перадавалі - нельга пакідаць працоўныя месцы.

"Бо нас кінулі. А ўрад на трэці дзень адсюль збег, і ўсе астатнія збеглі спачатку ў Магілёў, потым да Масквы. Тут ніхто не арганізоўваў ніякай эвакуацыі. Хто паспеў сцяміць - той з'ехаў", - кажа былы вязень гета.

У Беларусі за гады вайны загінула прыкладна 800 тысяч яўрэяў. У гэтым годзе з нагоды 75-гадовай гадавіны вызвалення лагера смерці "Асвенцым" у Іерусаліме пройдуць мерапрыемствы, удзел у якіх прымуць сусветныя лідары шэрагу краін. Галоўная мэта - захаваць памяць пра Халакост і іншыя трагічныя падзеі Другой сусветнай вайны.

Тэги:
Беларусь, Халакост

Яшчэ відэа

Галоўныя тэмы