І другіх паглядзелі, і сябе паказалі. Удзельнікі адбору на "Еўрабачанне" прадставілі напярэдадні журы свае песні, і ўжо вядомы спіс 12 фіналістаў, якія будуць змагацца за права выступіць на сцэне конкурсу ад Беларусі.
Усяго да праслухоўвання дапусцілі 49 удзельнікаў, з іх журы даволі хутка вызначыла тузін шчасліўчыкаў, якія праходзяць у наступны тур.
Нехта напісаў песню сам, хтосьці зрабіў заказ у знакамітых мэтраў. Ёсць і маладыя артысты, і тыя, хто беларусам ужо добра знаёмы - напрыклад, саліст гурта "Без Білета" Віталь Артыст або салістка Aura Юлія Быкава.
На праслухоўваннях артыстаў ацэньвалі кіраўнік музвяўчання Беларускага радыё Таццяна Якушава, спявак Георгій Калдун, прадстаўніца рэспублікі на леташнім "Еўрабачанні" Зена, кампазітар Алена Атрашкевіч, група NaviBand, спявак Юрый Селязнёў, спявачка Вольга Вараб'ёва, прадзюсар Яна Станкевіч і рэжысёр Уладзіслава Арцюкоўская.
Глядзіце на відэа, пра што спявалі 12 выканаўцаў, якія вельмі хочуць прадставіць нашу краіну на "Еўрабачанні", і ацэньвайце іх шанцы.
