Відэа

Другі "каранцін" для кітайскіх студэнтаў адкрыўся пад Мінскам

Падпісацца
Рэабілітацыйны цэнтр "Загор'е" прыме да 200 грамадзян КНР, студэнты, якія тыднем раней першыя вярнуліся з канікул, размясціліся ў карпусах лагера "Брыганціна". Глядзіце на відэа, як грамадзяне Кітая прыбываюць у каранцін.

Другі своеасаблівы "каранцін" для кітайскіх студэнтаў адкрылі ў Мінскім абласным цэнтры медыцынскай рэабілітацыі.

Лагер Брыганціна БДУ - Sputnik Беларусь
У лагер "Брыганціна" дастаўлены 47 студэнтаў з Кітая

Тыднем раней студэнтаў, якія першымі вярнуліся з канікул, размясцілі ў лагеры "Брыганціна".

"Цяпер "Брыганціна" цалкам запоўненая, для студэнтаў там арганізавана навучанне, медыцынскае назіранне. Да 24 чысла пачнуць вызваляцца корпуса", - расказаў міністр аховы здароўя Беларусі Уладзімір Каранік.

Другі "каранцін" вырашылі адкрыць, каб пазбегнуць перасячэння патокаў студэнтаў. Тыя, хто прыляцеў разам, назірацца будуць таксама разам.

Ранейшых пастаяльцаў "Загор'я" перасялілі ў іншыя рэабілітацыйныя цэнтры ў Мінскай вобласці.

За межамі Кітая ў 25 краінах 683 чалавекі заразіліся каронавірусам. У Беларусі выпадкаў заражэння не зафіксавана. Міністэрства аховы здароўя лічыць, што адзіны дзейсны спосаб справіцца з панікай - прадаставіць грамадскасці максімальна адкрытую інфармацыю аб сітуацыі.

Глядзіце на відэа, як кітайцы засяляюцца ў новы падрыхтаваны для "каранціну" цэнтр.

Стужка навiн
0