19:25 22 красавіка 2021
«Радыё Sputnik»
  • USD2.59
  • EUR3.13
  • 100 RUB3.40
Відэа

"Усяму класу загадалі надзець маскі": у школах да каронавіруса гатовыя?

Атрымаць кароткую спасылку
Каронавірус COVID-19 (1161)
27 0 0
© Sputnik

У сувязі з выяўленымі ў Беларусі трыма выпадкамі каронавіруса ў некаторых школах дзецям параілі хадзіць на ўрокі ў масках ўсім класам - меркаванне педагога, галоўнага рэдактара "Паласатай газеты" Ганны Граноўскай.

Звычайна ў перыяд эпідэміі, напрыклад, грыпу, у школах аб'яўляецца каранцін, і дзяцей адпраўляюць па дамах, скарачаючы разнастайныя мерапрыемствы, каб у інфекцыі не было магчымасці распаўсюдзіцца, нагадвае суразмоўца Sputnik. У выпадку з каронавірусам аб эпідэміі гаворкі не ідзе, але гэта не адмяняе занепакоенасці бацькоў і настаўнікаў, настрой вагаецца ад наплявальніцкага да стану панікі, а часам адбываюцца і зусім ужо дзіўныя сітуацыі, распавядае Граноўская.

"Атрымала інфармацыю ад адной са школ мінскіх, калі дзецям сказалі прыйсці крыху раней у школу ў 7:45, з імі правялі гутарку прафілактычную - як і што, і загадалі надзець маскі, усе дзеці сядзяць у масках. Вядома, для іх гэта больш, як кажуць, "па прыколе", яны ўжо імкнуцца колер мяняць, каб гэта было модна і маладзёжна, успрымаюць як гульню, але як сродак абароны - гэты момант цалкам няправільны. Дзеці цэлы дзень у гэтай масцы, яны яе па вуліцы панясуць", - распавядае Граноўская.

Суразмоўніца Sputnik занепакоеная тым, што дзіця на працягу дня будзе насіць адну і тую ж маску, не змяняючы яе ў адпаведным рэжыме, чым "зробіць сабе толькі горш", і хацелася б, каб бацькі кантралявалі гэтае пытанне незалежна ад таго, якое рашэнне наконт масак прынята адміністрацыяй школы.

"Я ўпэўнена, што будуць выпадкі, што будуць прымушаць зняць маску, ці наадварот будуць патрабаваць: "Я не пушчу да сябе на ўрок, калі вы будзеце без масак". Чакаем нейкай рэакцыі... Але мне здаецца, у дадзеным выпадку трэба памятаць , што ў бацькоў прыярытэт у выхаванні, у метадах адукацыйных, таму бацькі павінны вырашыць, у чым будзе хадзіць дзіця і ці будзе насіць гэтую маску", - кажа Граноўская.

Тэмы:
Каронавірус COVID-19 (1161)
Тэги:
Школа, каронавірус, Беларусь

Яшчэ відэа

Галоўныя тэмы