Відэа

Чэрчыль з гаек: мінчанін стварае брутальную альтэрнатыву музею Мадам Цюсо

Падпісацца
Для мінскага скульптара Аляксандра словы "варыць" і "ствараць" практычна сінанімічныя. Надзеўшы маску для зваркі, у сваёй майстэрні ён ператварае тысячы гаек у пазнавальныя асобы палітыкаў, мастакоў, музыкантаў.

Ван Гог, Медуза Гаргона, Джон Ленан і нават Уінстан Чэрчыль - мінскі мастак узнавіў твары ўсіх гэтых людзей з незвычайнага для скульптуры матэрыялу - гаек. Некаторыя працы адпраўляе за мяжу, а нейкія пакідае ва ўласнай калекцыі.

Першай крыніцай натхнення сталі матэматыка і... мёд. Аляксандр усяго толькі прыйшоў купіць мёд у сотах, загледзеўся на іх прыродную форму і ўспомніў, што шасцікантовікі добра запаўняюць плоскасць. Дома замест сот ён узяў шасцігранныя гайкі - і пачаў ствараць твары.

На пытанне "А вы накцюрн сыграць маглі б на флейтах вадасцёкавых труб" Аляксандр якраз мог бы адказаць станоўча. Надзеўшы зварачны шлем ад касцюма персанажа коміксаў - Жалезнага чалавека, скульптар адпраўляецца ператвараць тысячы гаек у асобы палітычных дзеячаў і знакавых фігур свету мастацтва.

У яго калекцыі - бюсты Ван Гога, Чэрчыля, Джона Ленана і многіх іншых. А ў Медузы Гаргоны нават круцяцца вочы!

На стварэнне адной скульптуры мастаку патрэбна адна-два тыдні.

"Галоўная частка працы - зачыніцца. У мяне ў гаражы ёсць маленькае памяшканне, дзе я сяджу і стараюся ні пра што не думаць, пакуль не прыйдзе жаданне варыць", - распавядае Аляксандр.

Некаторыя працы скульптар адпраўляе ў галерэі за мяжу, нейкія хочацца пакінуць ва ўласнай калекцыі.

"Калі я яе адразу не прадаў, калі гэта была не на заказ скульптура, то праз месяц я яе вязу ў гараж перарабляць. Я яе пастаянна на працягу некалькіх гадоў перарабляю. То вочы новыя, то вушы, то валасы", - кажа скульптар.

Незямной славы мінскі скульптар не шукае. Кажа, чалавек з вялікім ганарлівасцю заўсёды адчувае сябе кімсьці ці чымсьці пакрыўджаным.

"А гэта шкодна для здароўя", - смяецца скульптар.

Глядзіце на відэа, як гайка ў руках мастака становіцца альтэрнатывай воску, а менская студыя ператвараецца ў брутальны аналаг Музея мадам Цюсо.

Глядзіце таксама:

Стужка навiн
0