23:00 10 красавіка 2020
«Радыё Sputnik»
  • USD2.48
  • EUR2.71
  • 100 RUB3.36
Відэа

#StayHome або #оставайсядома: сусветны чэлендж дабраўся да Беларусі

Атрымаць кароткую спасылку
Успышка каронавіруса з Уханя (280)
4710

Медыкі краіны ўзброіліся плакатамі з надпісамі пра самаізаляцыю, урачы такім чынам заклікаюць людзей спыніць распаўсюджванне COVID-19. Глядзіце відэа, як яны гэта робяць.

Урачы публікуюць фота з пасланнем: "Я застаюся на працы для вас. Вы застаяцеся дома для нас". Медыкі па ўсім свеце ўгаворваюць людзей застацца дома, каб прадухіліць распаўсюджванне COVID-19. Гэты чэлендж атрымаў назву #StayHome або #оставайсядома. Першым яго запусціў доктар Джы Цік Шэнг з Малайзіі. Беларускія медыкі не засталіся ў баку і вырашылі падтрымаць флэшмоб.

"Мы мэтанакіравана праводзім гэтую акцыю, для таго каб нам сёння ўтрымаць нашы лічбы, якія ёсць па выяўленні тых, хто захварэў на каронавірус, па распаўсюджванні каронавіруса ў нашай краіне, як мага даўжэй, каб як мага даўжэй застацца ў гэтым рэжыме працы, які ў нас ёсць сёння" , - сказала на прэс-канферэнцыі 23 сакавіка начальнік галоўнага ўпраўлення арганізацыі медыцынскай дапамогі і экспертызы Міністэрства аховы здароўя Алена Богдан.

Урачы ўзброіліся плакатамі з надпісамі: "Мы застаемся на працы, каб дапамагчы вам - Вы застаньцеся дома, каб дапамагчы нам!" Медыкі выступаюць з заклікам да самаізаляцыі пажылых грамадзян, пацыентаў з хранічнымі захворваннямі, тых пацыентаў, у якіх ёсць хаця б найменшыя прыкметы ВРІ, а таксама тых, хто прыбыў з-за мяжы.

Сацыяльная дыстанцыя дапаможа прадухіліць распаўсюджванне віруса і тым самым знізіць нагрузку на ўрачоў. У Беларусі не ўведзены абавязковыя надзвычайныя правілы для наймальнікаў у сувязі з каронавірусам. Некаторыя кампаніі прапануюць супрацоўнікам працаваць выдалена.

Па дадзеных Міністэрства аховы здароўя, у Беларусі зарэгістраваны 81 выпадак заражэння каронавіруснай інфекцыі. 22 чалавекі ці выпісаныя, або рыхтуюцца да выпіскі, астатнія знаходзяцца пад наглядам урачоў.

Тэмы:
Успышка каронавіруса з Уханя (280)
Тэги:
Беларусь, каронавірус

Яшчэ відэа

Галоўныя тэмы