Беларусь хоча пашырыць сваю прысутнасць у космасе. Краіна спадзяецца падрыхтаваць для палёту першага касманаўта ў гісторыі суверэннай рэспублікі, пра гэта сёння расказаў старшыня прэзідыума НАН Уладзімір Гусакоў.
Акадэмія навук Беларусі і "Раскосмас" ўжо дамовіліся - беларускія навукоўцы наведаюць Выпрабавальны цэнтр падрыхтоўкі касманаўтаў імя Юрыя Гагарына. Гатовы і спіс супрацоўнікаў навуковых арганізацый Акадэміі навук, якія адправяцца ў камандзіроўку ў расійскі цэнтр, у якім калісьці праходзіў падрыхтоўку Юрый Гагарын.
Цэнтр ствараўся ў 25 кіламетрах ад Масквы для выканання цэлага шэрагу задач. Сярод іх - і стварэнне касмічнай тэхнікі, і падрыхтоўка касманаўтаў, забеспячэнне бяспечнага знаходжання касманаўтаў на арбіце, рэабілітацыя пасля выканання касмічных палётаў.
У гэтую групу ўвайшлі прадстаўнікі Інстытута радыебіялогіі, Інстытута фізіялогіі, НПЦ па біярэсурсах, Цэнтральнага батанічнага саду.
Пакуль яшчэ абмяркоўваецца магчымасць абследавання навукоўцаў на прадмет прыдатнасці да палёту ў якасці касманаўтаў-даследчыкаў. Як толькі пандэмія адступіць і ўсе абмежаванні будуць знятыя, беларусы плануюць адправіцца ў Цэнтр падрыхтоўкі касманаўтаў.
